3. Zutabea.- Emakumeen jakintza eta haien ekarpen sozial eta historikoa integratzea: Bigarren Hezkuntza

EMAKUMEEN JAKINTZA ETA HAIEN EKARPEN SOZIAL ETA HISTORIKOA INTEGRATZEA: BIGARREN HEZKUNTZA

Emakumeek humanitatearen historian zehar esparru guztietan egin dituzten ekarpenak ikusezin bihurtzea da historian zehar izan den gabezia handienetariko bat, eta gaur egun, gure kulturak, oro har, eta ikasgelako materialek eta testuliburuek, bereziki, badute oraindik ere gabezia hori. Gure kulturan androzentrismoa nagusitu da, eta hutsune bat sortu du emakumeen lana ezagutzeari eta aitortzeari dagokionez.

Helburuak

Androzentrismoa identifikatzea.
Emakumeak ikusezin bihurtzearen kausak aztertzea.
Esparru bakoitzeko emakume garrantzitsuenak ezagutzea.
Emakumeek gizateriari egiten dizkioten ekarpenei buruzko ikerketa txikiak egitea.
Mugimendu feministaren azterketara eta mugimendu feministak gaur egungo emakume eta gizonentzat eskuratu dituen lorpenetara hurbiltzea.
Besteak beste, kontzeptu hauek ikastea: kristalezko sabaia, soldata-arrakala, laneko sexu-banaketa

Lorpen adierazpenak

Emakumeak ikusezin bihurtzearen atzean dauden kontzeptu garrantzitsuenak identifikatzen ditu.
Badaki zein diren ezagutzaren esparruan emakumeak ikusezin bihurtu dituzten egiturazko kausak.
Testuliburuetan emakumeen falta dagoela ikusten du.
Esparru ezberdinetan aritu diren emakume garrantzitsuak ezagutzen ditu, besteak beste: zientzian, gizartean, politikan, kulturan, etab.
Internet bidez emakume garrantzitsuen biografien gaineko ikerketak egiten daki.
Mugimendu feminista eta sozialki ordezkatzen duena ezagutzen ditu.
Emakumeei ardura handiko lanpostu eta espazioak lortzea zailtzen dieten oztopo sozialak identifikatzen ditu.
Mezu sexistak geldiarazten laguntzen du
Parte-hartze aktiboa du ikasgelan egiten diren jardueretan
Gozatu egiten du ikasgelako jarduerekin
Ikaskideen ekarpenak baloratzen ditu