GUK HAUEK ZAINTZEN DITUGU

HELBURUA

• Zaintzak genero-ikuspegitik aztertzea.
• Zaintzetan haurrentzako funtsezko elementu gisa trebatzea.
• Errespetuz eta elkarrizketarako jarrera irekiaz parte hartzea. 
• Jarrera enpatikoa agertzea.
• Zaintzen gozatzea

GARAPENA

Jarduera honi ekin aurretik, komeni da  ariketa egitea, giro lasaia lortzeko eta ikasleak era horretako jardueretara ohitzeko. 

Hasteko, ikasleei jardueraren helburuak azalduko dizkiegu

Dinamikari hasiera emateko, etxetik gustatzen zaien panpina edo pelutxe bat ekartzeko esango diegu ikasleei. Astebetez erabiliko dugu.

Lehenik, borobilean jarriko gara; haur bakoitzak bere “jostailu pertsonifikatua” aurkeztuko du. Jostailuaren izena esan eta horrenbeste zergatik gustatzen zaien azaldu behar dute. Gero, jostailua nola zaintzen duten kontatzeko eskatuko diegu: zer egiten dioten, nola egiten duten eta noiz egiten duten.

Ondoren, aste osoan ikasgelan zaintzeko eskatuko diegu; etxera eraman dezakete, baina egunero ekarri behar dute jarduera egiteko. Zaintza-lanek iraupen mugatua izango dute, 15 minutu, adibidez. Tarte horretan, jostailua zaindu eta zaintza-lana ikaskideekin partekatuko dute.

Zaintzen astea bukatzeko, batzartu egingo ditugu berriro, galdera hauek erantzun ditzaten:

• Zer da zaintzetik gehien gustatzen zaizuna? Eta gutxien?
• Zenbat denbora ematen duzue egunean maite duzuena zaintzen?
• Nola zaintzen dugu familia?
• Nola zaintzen ditugu lagunak?
• Nola zaintzen ditugu ikaskideak?
• Zaintzen ez gaituztenean, nola sentitzen gara?

IRAUPENA

Jarduerak ez du iraupen zehatzik; izan ere, zaintza-lanetan zentratzen da, astebetez.

BALIABIDEAK

• Ikasle guztiak borobilean jartzeko moduko ikasgela bat, denok batzartzeko modukoa.

GUK HAUEK ZAINTZEN DITUGU

 NIRE BURUA ZAINTZEN DUT, ZAINDU EGITEN NAUTE, ELKAR ZAINTZEN DUGU

HELBURUA

• Norberak bere burua zaintzeko egiten dituen lorpenak identifikatzea, bai etxean, bai maila pertsonalean.
• Errespetuz eta elkarrizketarako jarrera irekiaz parte hartzea. 
• Jarrera enpatikoa agertzea.
• Norberak bere burua zaintzen gozatzea.

GARAPENA

Jarduera honi ekin aurretik, komeni da  ariketa egitea, giro lasaia lortzeko eta ikasleak era horretako jardueretara ohitzeko. 

Hasteko, ikasleei jardueraren helburuak azalduko dizkiegu

Autonomia haurtzaroan hasten gara geureganatzen, haurrak garenean gure eguneroko bizitzan hartzen ditugun erantzukizun txikien bidez. Erantzukizunak hartzeak autonomian eta familiaren gaineko erantzunkidetasunean hezten gaitu. Hona hemen erantzukizun horien zenbat adibide: laguntzarik gabe janztea, jostailuak batzea, mahaia jartzea eta mahaia jasotzea. Gainera, autonomia eta autoestimua haurrak modu arduratsuan eta ondo egindakoak eta gaizki egindakoak beren gain hartuta hezteko oinarriak dira.

Ikasleen autonomia sustatzeko eta ikasturtean zehar egindako aurrerapenak ikusteko, jarraian datorren fitxa betetzeko eskatuko diegu. Dokumentua ikasgelan eskegi dezakegu, behar dutenean hartu eta lortu dituzten erronkak idatzi ditzaten. Fitxan zuri utzitako gelaxka batzuk egongo dira, haurrek beren egunerokoan egiten dituzten bestelako atazak idatz ditzaten bertan. Hiruhilekoaren edo hilabetearen amaieran egin dezakegu lorpenen balorazioa; horrek haurren autonomia eta segurtasuna areagotzen ditu, eta bi-biak dira bizitzarako funtsezkoak.

Ikasturte amaieran, ikasleei itzul diezaiekegu orria, lortutako edo eskuratutako autonomiaren errepasoa eginda.

IRAUPENA

Jarduera honek ikasturte osoa har dezake, eta tarte jakin bat eman diezaiokegu hilabetean lorpenak eguneratu ditzaten.

BALIABIDEAK

• “Nire burua zaintzen dut” fitxaren fotokopia

GEHIAGO JAKITEKO:

• Web-orria: Educar en igualdad: https://www.educarenigualdad.org/

NIRE BURUA ZAINTZEN DUT, ZAINDU EGITEN NAUTE, ELKAR ZAINTZEN DUGU

 ...NAIZ, GOGOKO DUT, ...EZ DUT GOGOKO

HELBURUA

• “Ez dut gogoko” esaten ikastea eta besteek esatea onartzea.
• Gogoko dituztenak eta gogoko ez dituztenak modu egokian adieraztea

• Errespetuz eta elkarrizketarako jarrera irekiaz parte hartzea. 
• Jarrera enpatikoa agertzea.

GARAPENA

Jarduera honi ekin aurretik, komeni da  ariketa egitea, giro lasaia lortzeko eta ikasleak era horretako jardueretara ohitzeko. 

Hasteko, ikasleei jardueraren helburuak azalduko dizkiegu

Askotan, gure ikasleak kexu dira gogoko ez dituzten gauzak esaten edo egiten dizkietelako. Hala ere, gogoko ez dituzten gauzak esateko zailtasunak dituzten ikasleak ere badauzkagu. Garrantzitsua da hori guztia komunikatzen ikastea haurren autoestimua eta autokontzeptua indartzeko.

Badakigu genero-estereotipoak direla-eta askoz ere onartuagoa dagoela mutilek “ez dut gogoko” esatea neskek baino; horregatik, neskek txiki-txikitatik ikasten dute gogoko ez dutena egiten, atseginak izateko hazten ditugulako, eta ez besteak gaizki sentiarazteko. Estereotipo horiek haustea da, hain zuzen, jarduera honen helburua.

Horretarako, fitxa bat prestatuko dugu ikasleentzat. Fitxa modu honetan egongo da egituratuta:

Haurrei fitxa banatuko diegu beren izen-abizenak jar ditzaten. Gero, itzuli egingo digute. Jarraian, borobilean jarri eta haur guztiei emango diegu hitza. Fitxak aurrean dauzkagula, haurrek gogoko dituzten eta gogoko ez dituzten bi edo hiru egoera kontatuko dizkigute. Bakoitzaren fitxan idatziko dugu esaten dutena.

Azkenik, fitxa itzuliko diegu, ikus dezaten, eta ikasgelan jartzea proposatuko diegu. Lan honen bitartez, ikasleek hobeto ezagutuko dute zer duten gogoko eta zer ez, eta horrela, desatsegina den zerbait geratzen denean, fitxara jo eta fitxa egin genuenean esan zuen ala ez konprobatuko dugu. Lehendik ez bazegoen fitxan jasota, momentu horretan idatziko dugu. Fitxa ikasturtean zehar joango gara osatzen. Helburua da ikasleek elkar ezagutu eta elkar errespetatzea. Irakasleak ere bete dezake fitxa bat, ikasleek hobeto ezagutu dezaten.

IRAUPENA

Jarduera ordubete luza daiteke, baina esan bezala, epe luzean egiteko lana da.

BALIABIDEAK

“... naiz, Gogoko dut... Ez dut gogoko...” fitxaren fotokopia bana ikasleko.

GEHIAGO JAKITEKO:

• Bideoa: "Ni un besito a la fuerza":

https://www.youtube.com/watch?v=HoUQyo5p-5Q  

• Bideoa: "Decir sí, decir no": https://www.youtube.com/watch?v=ibyO7C_TlMI 

...NAIZ, GOGOKO DUT, ...EZ DUT GOGOKO...